Fyrirlestrar fyrir vinnustaði og skóla
Við bjóðum vinnustöðum, skólum, foreldrahópum og öðrum hópum upp á fyrirlestra og fræðslu um jafnrétti, karlmennsku og samskipti. Fyrirlesarar eru Þorsteinn V. Einarsson, kennari og kynjafræðingur, og Hulda Tölgyes sálfræðingur. Við komum ýmist saman eða sitt í hvoru lagi eftir efni erindisins.
Jafnrétti, inngilding og forvarnir gegn ofbeldi
Við skoðum hvernig kynjuð viðmið birtast í hversdagslegum samskiptum, hvernig þau geta útilokað fólk og hvaða ábyrgð við berum á eigin hegðun. Í fræðslu um karlmennsku er hægt að leggja áherslu á jafnrétti og inngildingu á vinnustað, skaðleg viðmið, mörk og forvarnir gegn ofbeldi.
Hér fyrir neðan eru lýsingar á erindunum Jákvæð karlmennska, Þriðja vaktin og Segja nei og skilja mörk. Við aðlögum áherslur að hópnum og tilefninu.
Hvernig er bókaður fyrirlestur?
Sendu fyrirspurn á thorsteinnv@karlmennskan.is. Gott er að taka fram fyrir hverja fræðslan er, áætlaðan fjölda, óskadagsetningu, staðsetningu og hvaða efni þið viljið leggja áherslu á. Þá getum við rætt útfærslu og verð.
Við höfum meðal annars haldið fræðslu hjá RÚV, Arion banka, Origo, Marel, KPMG, Seðlabankanum, Landspítalanum, VR og fjölda grunn- og framhaldsskóla.
Jákvæð karlmennska
Kjarninn í fyrirlestrinum er hvernig og hvers vegna jákvæð karlmennska styður við jafnrétti og hvernig skaðleg karlmennska bitnar á strákum og körlum, konum og kvárum. Áherslan er á hvað við getum gert sem einstaklingar til að hafa jákvæð áhrif á líf okkar og samferðafólks út frá hugmyndum um karlmennsku.
Fyrirlesari: Þorsteinn V.
Hentar: Vinnustöðum, stjórnendum, foreldrum, framhaldsskólum, kennurum og öllum kynjum.
Tími: 50 mínútur + umræður.
Þriðja vaktin
Erindið fjallar um hugrænu byrðina sem fylgir hinni ólaunuðu ábyrgð, yfirumsjón og verkstýringu á heimilis- og fjölskylduhaldi. Ábyrgð sem kölluð er þriðja vaktin. Leitast verður við að skýra þriðju vaktina og varpa ljósi á áhrif ójafnrar ábyrgðar á þessum ólaunuðu störfum. Erindið byggir á fræðilegri og persónulegri reynslu fyrirlesara, þar sem þau flétta saman sálfræðilegu- og kynjafræðilegu sjónarmiði saman við persónulega glímu sína við þriðju vaktina á eigin heimili. Hulda og Þorsteinn sáu um heimilda- og textavinnu fyrir átak VR um þriðju vaktina og eru höfundar bókarinnar Þriðja vaktin – Jafnréttishandbók heimilisins.
Fyrirlesari: Hulda Tölgyes og Þorsteinn V.
Hentar: Vinnustöðum og öllu fullorðnu fólki.
Tími: 50 mínútur + umræður/spurningar.
Segja nei og skilja mörk
Mörgum finnst erfitt að segja nei, setja mörk og standa með sjálfu sér. Þau eru hrædd um að vera leiðinleg, valda vonbrigðum og óttast möguleg viðbrögð fólks. Þetta á sérstaklega við um konur og kvár sem hafa verið krafin um að þóknast, láta lítið fyrir sér fara og vera næs. Í erindinu er farið yfir mögulegar afleiðingar af því að setja öðrum ekki mörk, hvers vegna það getur verið erfitt og hagnýtar aðferðir kynntar til að standa með sjálfu sér og setja heilbrigð mörk í vinnu og einkalífi.
Fyrirlesari: Hulda Tölgyes
Hentar: Vinnustöðum, foreldrahópum og framhaldsskólanemum.
Tími: 45 mín + umræður.