Gerast bakhjarl
og styrkja mánaðarlega
Með mánaðarlegum styrk gerist þú bakhjarl við sköpun fræðsluefnis frá Huldu Tölgyes sálfræðingi og Þorsteini V. kynjafræðingi í hlaðvarpsformi (Karlmennskan), samfélagsmiðlum (Karlmennskan og Hulda.Tolgyes) og frekari bókaskrifum. Bakhjarlar bera með okkur kostnað vegna leigu á stúdíórými, kaupum á nauðsynlegum forritum og búnaði og tilfallandi kostnaðar sem til fellur vegna launalausrar vinnu okkar. Mildi og mennska slf. heldur utan um fjármálin okkar. Takk fyrir þig <3
Um okkur
Við erum Hulda Tölgyes sálfræðingur og Þorsteinn V. Einarsson kynjafræðingur. Við störfum saman og sitthvoru lagi. Hulda starfar við klíníska meðferð sem sálfræðingur, námskeiðahald, fyrirlestra og kennslu. Þorsteinn starfar aðallega við fyrirlestra og ráðgjöf í jafnréttismálum ásamt því að sjá um hlaðvarpið og samfélagsmiðilinn Karlmennskan. Hulda miðlar sálfræðilegu fræðsluefni á samfélagsmiðlum undir nafninu @Hulda.Tolgyes.
Við eigum saman félagið Mildi og mennska slf. sem heldur utan um allt okkar starf og sá um útgáfu á bókinni okkar Þriðja vaktin – Jafnréttishandbók heimilisins. Við erum líka hjón, höfum verið saman síðan 2014 og eigum saman þrjú börn og einn hund.